Azərbaycan Memarlıq və İnşaat Universitetində (AzMİU) Ümummilli Lider Heydər Əliyevin əziz xatirəsinə həsr olunmuş "Təhsildə İdarəçilik Forumu 2025” keçirilib. Tədbir "EDU Company" Təhsil Şirkətinin təşkilatçılığı ilə keçirilib. Foruma rəsmi tərəfdaşlığı və ev sahibliyini Azərbaycan Memarlıq və İnşaat Universiteti edib.
Forumda Milli Məclis üzvləri,nazirlik və digər qurumlardan rəsmilər,tanınmış təhsil ekspertləri və gənclər təşkilatlarının nümayəndələri çıxış edərək ölkədə təhsilin idarə olunması, strateji hədəflər, gənclərin inkişafında liderliyin rolu və müasir yanaşmalar mövzularında müzakirələr aparıblar.
Tədbirə ev sahibliyi edən universitetin prorektoru, professor Akif Qasımov və "EDU Company" Təhsil Şirkətinin təsisçisi və baş direktoru Samir Əzizov forumun açılışında çıxış edərək, bu cür tədbirlərin təhsil islahatlarının sürətləndirilməsində əhəmiyyətini vurğulayıblar.
Forumun moderatoru Bakı Mühəndislik Universitetinin baş müəllimi və Tələbə Elmi Cəmiyyətinin rəhbəri Bəhman Qüdsi olub.
Forumun əsas Natiqləri :
Ceyhun Məmmədov – Milli Məclisin deputatı, Elm və Təhsil Komitəsinin üzvü
Razi Nurullayev – Milli Məclisin deputatı, İnsan hüquqları komitəsinin üzvü
Hikmət Əlizadə – Elm və Təhsil Nazirliyi yanında İctimai Şuranın sədri
Nadir İsrafilov – Təhsil eksperti
Forumun əsas Spikerləri :
Elman Nəsirov – Milli Məclisin deputatı, beynəlxalq münasibətlər üzrə komitənin üzvü
Müşfiq Məmmədli – Milli Məclisin deputatı, Səhiyyə komitəsinin üzvü
Günay Əkbərova – Elm və Təhsil Nazirliyi yanında İctimai Şuranın üzvü
Samir Əzizov – "EDU Company" Təhsil Şirkətinin təsisçisi və baş direktoru
Fidan Həsənova – Azərbaycan Tələbə Gənclər Təşkilatları İttifaqının baş katibi
Adil Vəliyev – Dövlət Məşğulluq Agentliyinin əməkdaşı, təhsil və karyera planlaması üzrə ekspert
Forumda təhsildə idarəçilik sahəsində çağırışlar və perspektivlər, ali təhsildə idarəetmə modelləri, tələbə-gənclərin qərarvermə proseslərində rolu və dövlət dəstəyi kimi vacib məsələlər müzakirə olunub.
Tədbir iştirakçıları təhsildə liderliyin inkişaf etdirilməsi üçün konkret təkliflər səsləndirərək, qarşılıqlı əməkdaşlığın genişləndirilməsi çağırışı ilə çıxış ediblər.
Forumun sonunda iştirakçılar üçün musiqili-mədəni proqram təşkil olunub. Azərbaycan musiqisinin incilərindən ibarət xalq mahnılar və bədii kompozisiyalar tədbirə xüsusi rəng qatıb.
Xəbərdən istifadə edərkən istinad etmək vacibdir.
