Sumqayıt Şəhər Təhsil Şöbəsində ümummilli lider Heydər Əliyevin anadan olmasının 91-ci ildönümünə həsr edilmiş elmi-nəzəri konfrans keçirilib.
AzərTAc xəbər verir ki, şəhər təhsil şöbəsinin müdir əvəzi, Əməkdar Müəllim Vaqif Ələkbərov ulu öndər Heydər Əliyevin Azərbaycanın ən yeni tarixindəki müstəsna rolundan danışıb.
Bildirilmişdir ki, azərbaycançılıq məfkurəsinin parlaq daşıyıcısı kimi ümummilli lider Heydər Əliyev öz müdrik siyasəti, dönməz əqidəsi və tarixi uzaqgörənliyi sayəsində milli dövlətçilik ideyasının gerçəkləşdirilməsinə, müasir Azərbaycan dövlətinin qurulmasına və xalqımızın müstəqillik arzusuna çatmasına nail olub.
Konfransda çıxış edənlər bildiriblər ki, ən böyük azərbaycanlı - Heydər Əliyevin fəaliyyəti nəticəsində respublika özünün geostrateji, iqtisadi və mədəni potensialından istifadə edərək Şərqlə Qərb arasında etibarlı körpü rolunu oynamağa başlamış və dünyanın ən dinamik inkişaf edən ölkələrindən birinə çevrilib.
Vurğulanıb ki, Azərbaycanda müasir demokratik, hüquqi və dünyəvi dövlət quruculuğu, vətəndaş cəmiyyətinin təşəkkülü, milli mənəvi dəyərlərə qayıdış və elmin, təhsilin, mədəniyyətin inkişafı dahi rəhbər Heydər Əliyevin adı ilə bağlıdır. Ulu Öndərin idarəetmə fəlsəfəsinin başlıca ideya istiqamətini də məhz xalqın milli özünüifadəsinin geniş vüsət alması, milli qürur hissinin güclənməsi və milli şüurun yüksəlişinə təkan verən sürətli inkişaf strategiyasının gerçəkləşdirilməsi təşkil etmişdir. Bu isə, natiqlərin sözlərinə görə, Azərbaycan xalqının ümummilli problemləri ilə sıx bağlı olmaqla, müstəqil dövlətçilik ideyalarının gerçəkləşməsi üçün zəmin yaradıb

 Bildirilib ki, dahi şəxsiyyət Heydər Əliyev hələ sovet dövründə respublikanın rəhbəri kimi milli ruhun, milli özünüdərkin yüksəlişi, xalqın tarixi yaddaşının özünə qaytarılması, müstəqil dövlətçilik ideyalarının gerçəkləşdirilməsi üçün əsaslı zəmin yaradıb