Sumqayıtdakı “Şəhidlər xiyabanı” memorial kompleksinin ərazisində yenidənqurma işləri aparılacaqdır
Bu barədə AzərTAc-a şəhər icra hakimiyyətindən məlumat verilib.
Sumqayıtda abadlıq işləri davam edir, bəzi abidələr yenilənir, dəyişdirilir. Hazırda 20 Yanvar abidə kompleksinin layihəsi üzərində işlər tamamlanmaqdadır və bu il ərzində həmin layihənin həyata keçirilməsi başa çatdırılacaqdır. 20 Yanvar abidə kompleksi “Şəhidlər xiyabanı” memorial kompleksinin qarşısında yaradılacaqdır. İndiki 20 Yanvar abidəsinin yerində isə Xocalı abidəsi ucaldılacaqdır. Bununla yanaşı, memorial kompleksin ərazisində abadlıq işləri aparılacaq, işıqlandırılma sistemi müasirləşdiriləcəkdir.
Xəbərdən istifadə edərkən istinad etmək vacibdir.
