Dövlət Sərhəd Xidməti "Ağgöl” səhra təlim mərkəzində tak­­tiki təlimlərə başlayıb. 
DSX-dan verilən məlumata görə, təlimlər 2015-ci ilin döyüş hazırlığı proqramına uy­ğun olaraq Azərbaycanın dövlət sərhədini pozmuş düşmən qoşun qruplarının və terror-təxribat dəstələrinin zərərsizləşdirilməsi” mövzusunda çevik hərəkət bölmələrinin və aviasiya qüvvələrinin iştirakı ilə keçirilir. 
Bildirilir ki, təlimlərdə helikopterlər tərəfindən idarə olunan və idarə olun­ma­yan raketlərdən atışlar keçirməklə döyüş tapşırıqlarının icrası, düşmənin hava hədəflərinin daşınan ze­nit-raket kompleksləri vasitəsilə məhv edil­mə­si və zirehli texnikaların döyüş şəraitində tətbiqi nəzərdə tutulub. 
Təlimlərin məqsədi Dövlət Sərhəd Xidmətinin çevik hərəkət bölmələri və avi­asiya qüvvələri arasında əlaqələndirməni inkişaf etdirməklə yüksək qar­şılıqlı fəaliyyətə nail olunması, bölmələrin idarəetmə orqanlarının real döyüş şəraitində birgə fəaliyyətinin məşq etdirilməsi, şəxsi heyətə Vətənə məhəbbət, silaha inam, döyüş zamanı dözümlülük, mətanətlik və qorxmazlıq vərdişlərinin aşılanmasıdır.
Qeyd edək ki, təlimlər mayın 21-dək davam edəcək.  (anspress.com)