Yanvar 3-də Qərbi Azərbaycan İcması Sumqayıt nümayəndəliyi şəhər restoranlarının birində Dünya azərbaycanlılarının Həmrəylik günü və Yeni il münasibətilə tədbir keçirilib.
Xeberle.com xəbər verir ki, bayram şənliyində Qərbi Azərbaycan İcması (QAİ) İdarə Heyətinin sədri, Milli Məclisin üzvü Əziz Ələkbərli, Sumqayıt şəhər İcra hakimiyyəti başçısının birinci müavini Teymur Səmədov, Sumqayıt nümayəndəliyi Qadınlar, Ağsaqqallar, Ziyalılar şuralarının, Gənclər Birliyinin üzləri və fəxri qonaqlar iştirak ediblər.
Ramiz İsmayılov
Bayram tədbirini giriş sözü ilə QAİ Sumqayıt nümayəndəliyinin sədri
Ramiz İsmayılov açıb. O, nümayəndəliyin il yarım ərzində keçdiyi yola qısa nəzər salaraq, görülən işlərdə Sumqayıt şəhər İcra Hakimiyyətinin və digər dövlət qurumlarının dəstəyindən danışıaraq, əldə olunan nailiyyətlər görə xidməti olan hər kəsə öz təşəkkürünü bildirib və tədbir iştirakçılarına 2025-ci ildə uğurlar arzulayıb.
Əziz Ələkbərli
Tədbirə qatılan QAİ İdarə Heyətinin sədri, millət vəkili Əziz Ələkbərli çıxış edərək Qərbi Azərbaycan icmasının ötən illər ərzində xeyli iş gördüldüyünü və bu istiqamətdə təkcə Qərbi azərbaycanlıların deyil, bütövlükdə Azərbaycan xalqının, eyni zamanda Azərbaycan dövlətinin və dövlət başçısı İlham Əliyevin dəstəyinin şahidi olduğunu xüsusi vurğulayıb.
"QAİ çərçivəsində yaradılan şəhər və rayon icmaları, o cümlədən nümayəndəlikləri içərisində, Sumqayıt nümayəndəliyi xüsusi ilə seçilir. Bunun nəticəsində Sumqayıt şəhər nümayəndəliyi birincilik bayrağını əlində tutub. Sumqayıt nümayəndəliyinin birincilik qazanmasında bura toplaşan və məlum səbəblər üzündən tədbirə gələ bilməyən hər kəsin əməyi var.”-deyə, Ə.Ələkbərli fikirlərini tamamlayıb.
tamamlayıb.
Teymur Səmədov
Xəbərdən istifadə edərkən istinad etmək vacibdir.
