Xeberle.com xəbər verir ki, tədbirdə çıxış edən YAP Sumqayıt şəhər təşkilatının sədr müavini Cavid Məmiyev Sumqayıt, Corat və Hacı Zeynalabdin bələdiyyələrinə namizədlikləri irəli sürülmüş şəxslərə YAP-ın seçki proqramı barədə məlumat verib. Sədr müavini bələdiyyə seçkilərinə start veriləndən təşviqat işlərinə başlanan dövrə qədər görülmüş işlər barədə ətraflı məlumat verərək, qarşıdan gələn bələdiyyə seçkilərinin siyasi-hüquqi, sosial və mədəni əhəmiyyətindən danışıb. C. Məmiyev 2025-ci il yanvarın 29-da keçiriləcək növbəti bələdiyyə seçkiləri Ulu öndər Heydər Əliyevin dəyərli mənəvi-siyasi mirası olan və Prezident İlham Əliyevin rəhbərliyi ilə şərəfli inkişaf yolunda əmin addımlarla irəliləyən Yeni Azərbaycan Partiyasına xalqımızın inam və etimadının növbəti bariz nümunəsi olacağına öz inamını ifadə edib. Prezident İlham Əliyevin Sədri olduğu Yeni Azərbaycan Partiyasının cəmiyyətin bütün sahələrini əhatə edən səmərəli fəaliyyətindən bəhs edərək qeyd edib ki, YAP sahib olduğu strateji resurslarla Azərbaycan siyasi sisteminin alternativsiz siyasi güc mərkəzidir

Sonda Cavid Məmiyev namizədlərin suallarını cavablayıb, onlara qarşıdan gələn Bələdiyyə Seçkilərində uğurlar arzulayıb.