MilliÖN ödəniş sistemi Azərbaycanın iri banklarından biri olan Nikoil bankla inteqrasiyanı başa çatdırdı. 

MilliÖN ilə əməkdaşlıq edərək  Nikoil  sayı daim artan və hal-hazırda 1500-dən artıq olan terminallar şəbəkəsi vasitəsilə əhaliyə kreditlərin ödənilməsi üzrə əlavə xidmətlər təklif edir.

Ödəniş köşkü vasitəsilə krediti ödəmək üçün Nikoil Bank müştərisinə "Bank xidmətləri" bəndini seçib "Bank Nikoil" düyməsini basmaq lazımdır. Bank müştəriləri müvafiq xanalara hesab nömrəsi və müqavilənin nömrəsini daxil etdikdən sonra zəruri olan məbləği daxil edib çeki almalıdır. 

Pul vəsaitlərinin köçürülməsi real vaxt rejimində yerinə yetirilir. Pul vəsaitlərinin qəbul edilməsi üçün komissiya alınmır.

"Servisimiz vasitəsilə ödənilə bilən xidmətlər siyahısının genişləndirilməsi bizim üçün prioritet məsələlərdən biridir. Ona görə də əhaliyə ödənişləri müntəzəm yerinə yetirmək üçün imkan yaratmaq məqsədilə var qüvvəmizlə çalışırıq", - deyə Komtec LTD-dən Xeberle.com-a bildirdilər.

Qeyd edək ki, MilliÖN şəbəkəsinin bölgələr üzrə 5000-dən artıq ödəniş nöqtəsi var. MilliÖN "Komtec" şirkətinin servis brendidir. MilliÖN şəbəkəsinin əsas məqsədi əhaliyə tez, rahat və keyfiyyətli ödəniş xidmətləri üçün platformanı təmin etməkdir. 

MilliÖN vasitəsilə vətəndaşlar mobil və stasionar telefonlar, kommunal xidmətlər, internet və kabel televiziyası üzrə borcları ödəyə bilərlər. 

Hal-hazırda MilliÖN şəbəkəsinə 70-dən artıq kütləvi xidmət müəssisəsi qoşulmuşdur. 

MilliÖN ödəniş köşkləri Bakının və Azərbaycanın digər şəhərlərinin ticarət və işgüzar mərkəzlərində, banklarda, dövlət müəssisələri və idarələrində, metro stansiyalarında, supermarketlərdə, hava limanında, vağzallarında quraşdırılıb.