Fövqəladə Hallar Nazirliyində yeni təyinat gerçəkləşib. Modern.az saytının xəbərinə görə, nazir Kəmaləddin Heydərovun müvafiq əmri ilə Oqtay Bayramov Fövqəladə Hallar Nazirliyi mətbuat xidmətinin yeni rəhbəri təyin olunub. 

Qeyd edək ki, Oqtay Bayramov bundan əvvəl bir müddət İctimai Televiziya və Radio Yayımları Şirkətində baş direktorun ictimai-siyasi proqramlar üzrə müavini vəzifəsində çalışıb. Daha öncələr isə uzun müddət AzərTAc-ın Türkiyədəki xüsusi müxbiri olub.

Məlumatı Fövqəladə Hallar Nazirliyinin mətbuat xidmətindən təsdiqləyiblər. Bildirlib ki, O.Bayramov artıq yeni vəzifəsinin icrasına da başlayıb.

Fövqəladə Hallar Nazirliyinin mətbuat xidmətinin bir neçə gün öncə işdən çıxarılan sabiq rəhbəri Tural Müseyibov isə FHN-nin Muğan Regional Mərkəzinin rəis müavini postuna təyin edilib.