Sumqayıtda küçələrdə gecələyən yaşlı kişiyə bir qrup gənc tərəfindən yardım edilib. Gədəbəy rayonundan olan 52 yaşlı Oktay Bağırov 4 aydır ki, küçələrdə gecələməyə məhkum olub. Dörd övlad sahibi olan Oktay Bağırova övladlarından fərqli olaraq sumqayıtlı gənclər sahib çıxıblar. Bu gənclər ona müvəqqəti sığınacaq verərək isti geyim və yeməklə təmin ediblər.

Humanist addımları ilə savab qazanan bu gənclər yaşlı kişiyə etdikləri yardımla yanaşı, Sumqayıt şəhər Təcili Tibbi Yardım stansiyasına da müraciət ediblər.

52 yaşlı Gədəbəy sakinini müayinə edən həkimlər vəziyyətin heç də yaxşı olmadığını və onun xəstəxana şəraitində müalicəsinin davam etdirilməsinin vacib olduğunu nəzərə alaraq xəstəxanaya aparıblar.

Xeberle.com