Avtomobil idarə edərkən mobil telefondan istifadə qəza riskini 4 dəfə artırır.  Türk mütəxəsisslər apardıqları araşdırma nəticəsində belə qənaətə gəliblər.

Aparılan araşdırmalar nəticəsində məlum olub ki, insanlar avtomobil idarə edərkən onlara mesaj və ya zəng gələndə istər istəməz cavab vermək məcburiyyətində qalırlar. Bu zaman baş verən fikir dağınıqlığı isə qəza ilə nəticələnir. Nəqliyyat vasitəsi idarə edə-edə mobil telefondan istifadəni içkili halda avtomobil idarə etməklə eyniləşdirən mütəxəsisslər xəbərdarlıqlara, insan ölümü ilə nəticələnən qəzalara baxmayaraq insanların bu vərdişdən heç cür qurtula bilmədiklərini də qeyd edirlər.

Qeyd edək ki, aparılan araşdırmalar zamanı gün ərzində 30 dəqiqədən artıq mobil telefonla danışmağın insanda beyin xərçənginə yoluxma riskini 3 dəfə artırdığı da məlum olub(atv).