“Bu gün qeydə alının yeraltı təkan kifayət qədər güclüdür. Lakin zəlzələnin 84 km dərinlikdə olması titrəyişin gücünü azaldır. Bu da yer qabığına az təsir edir”. Bu barədə Respublika Seysmoloji Xidmət Mərkəzinin seysmoloji şöbəsinin müdiri Tahir Məmmədli ANS PRESS-ə açıqlamasında bildirib.

Alimin sözlərinə görə, bu zəlzələdən sonra xeyli sayda zəif afterşoklar qeydə alınacaq: “Əhali yüngül titrəyişlərdən qorxmamalıdır. Şəhərdə panika yaşanmamalıdır”.

Tahir Məmmədli bildirib ki, bu səhər baş verən yeraltı təkanlar Hacıqabul-Türkmənistan adlı qırılma ocağında qeydə alınıb. Bu tektonik qırılmada birincə yeraltı təkan 1986-cı ildə baş verib.

“1986-cı ildə baş verən zəlzələnin gücü 6 bal olub. Üç il sonra, 1989-cu ildə həmin ocaqda daha bir yeraltı təkan qeydə alınıb. Həmin zəlzələlər Bakıda 4-5 bal gücündə hiss olunmuşdu. Hər iki hadisədən sonra onlarla afterşoklar olmuşdu”.