İŞİD- bu ifadə və ad son günlər dünya mediasında ən çox səsləndirilən sözlərdəndir. Suriya və İraq ərazisinin bir hissəsini dəhşətli qətllərlə işğal edən bir qrup vəhhabi terroristlər özləri üçün guya şəriət dövləti qurublar. Utanmazcasına da adlarını islam dövləti qoymaqdan belə çəkinmirlər. Yəni İraq Şam İslam Dövləti.
Lakin məsələnin Azərbaycanla bağlı önəmli və həyəcanlı tərəfi isə sözügedən vəhşiləşmiş qruplaşmanınm tərkibində azərbaycanlı vəhhabi gənclərin döyüşlərə qatılmasıdır. Döyüşə qatılan azərbaycanlıların sayı isə dəqiq bilinmir. Bu günə qədər əldə edilən məlumatlara görə isə 200-dən çox azərbaycanlı Suriyada gedən döyüşlərdə öldürülüb. Əgər öldürülənlərin sayı 200-dən çoxdursa, deməli azərbaycanlıların sayının ən azı minə yaxın olduğunu deyə bilərik.
Bəs yayılan təhlükəli tendensiya Azərbaycanın gələcəyi üçün nə vəd edir?
Məlum Suriya hadisələri geniş vüsət aldıqdan və onlarla azərbaycanlı gəncin ölüm xəbərləri yayıldıqdan sonra, Azərbaycan hökuməti hərəkətə keçdi və vəhhabilərlə bağlı müəyyən addımlar atdı. Təbii atılıan bu addımların başlıca səbəbi, hakimiyyətin özünün gələcəyi ilə bağlı gördüyü təhlükə idi. Belə ki, bu günə qədər Qərb və ABŞ xoşlamadığı, maraqlarına cavab vermədiyi hakimiyyətləri məhz vəhhabi terrorçuluğu ilə çökdürüb. Buna misal olaraq İraqı, Liviya, Suriyada baş verən hadisələri göstərmək mümkündür.
Hakimiyyət də çox gözəl bilir ki, ölkədə günü-gündən təşkilatlanan və işləri-gücləri pul, iş vasitəsilə təbliğatdan ibarət olan, biznes strukturlarını genişləndirən vəhhabilər, Qərbin əlində ölkədə iğtişaş salmaq, ara qatmaq, terror hadisələri törətmək üçün ən potensial vasitədir. Yəni Qərb istədiyi vaxt, vəhhabilərin fəaliyyət göstərdiyi istənilən ölkdədə yeni bir “İŞİD” yarada bilər.
Azərbaycan üçün bu təhlükənin xüsusilə vəhhabilərin daha çox təşkilatlandığı və çox olduğu rayonlardan və şəhərlərdən gəlməsi istisna edilmir. Bu arada onu da qeyd edək ki, vəhhabilər öz aralarında Sumqayıt şəhərinə artıq “Mədinə” adı veriblər. Yəqin buna görədir ki, son vaxtlar Sumqayıta “hicrət” edən vəhhabilərin sayında artım müşahidə edilir.
Bəs bizi gözləyən təhlükənin qarşısını necə ala bilərik?
Bunun üçün ən gözəl variant İraq təcrübəsidir. Belə ki, İŞİD Mosulu ələ keçirən kimi İraqın dini liderləri yekdil bəyanatla çıxış edərək vəhhabilərə qarşı mübarizənin vacib olduğunu söylədilər. Eyni halda bu istiqamətdə sünni və şiəliyindən asılı olmayaraq bütün İraq müsəlmanaları bir araya gəldilər.
Azərbayacan hökuməti isə sözügedən birliyi və mübarizə metodunu ərsəyə gətirmək üçün ilk öncə cəmiyyət tərəfindən böyük hörmət və nüfuza sahib olan və günahsız yerdə həbs həyatı yaşayan islamçı alimləri azadlığa buraxmalıdır. Bundan sonrakı məsuliyyət isə sözügedən ruhanilərin və liderlərin üzərinə düşür ki, bir araya gələrək ölkə boyu vəhhabi düşüncəsinə və əqidəsinə qarşı fəaliyyətə keçsinlər. Təbii ki, bütün bunların fonunda hökumətin müxtəlif vasitələrlə prosesə dəstək verməsi zəruridir.
Sonda qeyd edək ki, əgər Azərbaycan hökuməti mövcud reallığı nəzərə alaraq vəhhabi təhlükəsinə qarşı hərəkət keçməsə, sabah qan içən vəhhabilər paytaxt Bakıda və digər regionlarda rafizi və şiə adı altından müsəlmanları qanlarına qəltan edəcəklər. Hakimiyyəti bu təhlükədən qoruya biləcək ən real vasitə isə ölkənin ənənəvi dini ideologiyasının inkişafına dəstək vermək və qarşısını açmaqdan ibarətdir. Əks halda çox gec olacaq.
Xəyal Şükür
/ azadxeber.net/
Xəbərdən istifadə edərkən istinad etmək vacibdir.
