AMEA-nın Nəsimi adına Dilçilik İnstitutunda Elmi Şuranın növbəti iclası keçirilib. Mətbuat xidmətinin rəhbəri Təranə Şükürlünün Xeberle.com-a verdiyi məlumata görə, iclasda Dilçilik İnstitutunun direktor əvəzi AMEA-nın müxbir üzvü, professor Möhsün Nağısoylu bildirib ki, institutdakı elmi tədqiqat işlərinin əsas istiqamətləri "Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı"nın icrasına yönəldilməlidir. Professor qeyd edib ki, ölkə başçısı ana dilinə xüsusi qayğı göstərir. Biz də onun etimadını doğrultmalıyıq.
Sonra Möhsün Nağısoylu bildirib ki, "Azərbaycan dilinin arxaik sözlər" lüğəti yazılamlıdır. Bu lüğətin tərtibinə ehtiyac duyulur.
Xeberle.com
Xəbərdən istifadə edərkən istinad etmək vacibdir.