Bu gün Azərbaycanda elm, dərslik və musiqisi sahəsində plagiatlıq xüsusilə geniş yayılıb.Bu sözləri Müəllif Hüquqları Agentliyi (MHA) və Təhsil Nazirliyinin təşkilatçılığı ilə "Elmi, tədris və ədəbi əsərlərin mətnlərində plagiat və onun qarşısının alınması yolları” mövzusunda keçirilən dəyirmi masada Agentliyin sədri Kamran İmanov deyib. O qeyd edib ki, son vaxtlarda gentlik tərəfindən 52 plagiat faktı araşdırılıb.

"Plagiatlıqla mübarizə vacibdir və bu bir dövlət işidir. Ötən il 9 plagiat faktı araşdırılıb. Bu gün Azərbaycanda milli antiplagiat sisteminin yaradılmasına da ehtiyac var. Müəllif Hüquqları Agentliyi tərəfindən müəllif-hüquq qanunvericiliyi nöqteyi-nəzərindən sistem üçün ümumi prinsipləri, alqoritmləri və tələblər hazırlanıb. Eyni zamanda, proqram təminatının texniki şərtləri, Rabitə və Yüksək Texnologiyalar Nazirliyinin təklifləri də artıq hazırdır. Mövcud dünya təcrübəsi də nəzərə alınmaqla, Elmlər Akademiyasının müvafiq strukturları ilə birgə bunların əsasında mərkəzləşmiş biliklər bazası, daha doğrusu, rəqəmli əsərlərin saxlanma yeri və anti-plagiat informasiya axtarışı sistemi yaradılması işinə start verilməsinə xüsusi diqqət yetirilməsi vacibdir”.(Modern.az)