Şəhərdə sahibkarlığın inkişafına dövlət dəstəyinin gücləndirilməsi, onların investisiya layihələrinin güzəştli qaydada kreditləşdirilməsi imkanı xeyli genişləndirilib.   
Xeberle.com xəbər verir ki, 2016-cı ilin I rübündə Sumqayıt şəhərinin sosial-iqtisadi inkişafının yekunlarının və qarşıda duran vəzifələr haqqında şəhər İcra hakimiyyətinin hesabatında bildirilir ki, yerlərdə sahibkarlığın inkişaf etdirilməsi sahəsində ölkə rəhbərinin qarşıya qoyduğu tapşırıq və tövsiyələrin yerinə yetirilməsi istiqamətində sahibkarların işlərinə müdaxilə edilməsi, lüzumsuz yoxlamaların keçirilməsi tamamilə dayandırılıb, onların fəaliyyəti üçün tam şərait yaradılıb və iqtisadi şəffaflıq təmin olunub.
Hesabatda vurğulanır ki, əhalinin məşğulluğunun təmin edilməsi məqsədilə yerlərdə yeni iş yerlərinin, istehsal sahələrinin ixracyönümlü istehsalın yaradılması yerli İcra hakimiyyətlərinin qarşısına bir vəzifə olaraq qoyulub: "Ölkə rəhbərinin Sumqayıta göstərdiyi diqqət və qayğının nəticəsində son vaxtlar aparılan abadlıq və quruculuq işlərinin həcminin genişləndirilməsi şəhərə olan marağı artırıb. İş adamları tərəfindən böyük layihələrin həyata keçirilməsi üçün təkliflər irəli sürülür ki, bu layihələrin həyata keçirilməsi şəhər əhalisinin işlə təmin olunmasında böyük köməyi olacaq.”  
Sənəddə  qeyd olunur ki, sosial obyektlər, istehsal sahələri üçün yerlər axtarılır: "Bu məqsədlər üçün ərazi tapılmadığı bir halda 50-dən çox müxtəlif fiziki və hüquqi şəxslərin adına hektarlarla torpaq sahəsi ayrılıb ki, həmin sahələr uzun müddətdir ki, istifadəsiz olaraq qalır. Elə sahə var 20 ildən artıqdır istifadəsizdir. Sumqayıt şəhərində sərbəst torpaq sahəsi mövcud deyil.” 
Xeberle.com