"Azərpoçt” MMC "PoçTap” xidməti çərçivəsində itirilmiş sənədlərin operativ çatdırılmasını təmin edib.
Xeberle.com-un Oxu.Az-a istinadən məlumatına görə, itirilmiş sənədlərin çatdırılması "Azerexpresspost” ekspress xidməti ilə həyata keçirilir.
Xidmət bütün ölkə, o cümlədən Naxçıvan Muxtar Respublikasına qısa zaman ərzində çatdırılmanı həyata keçirir.
"PoçTap” layihəsi Bakı şəhər Baş Polis İdarəsi, "Bakımetropoliten” QSC, "Təmiz Şəhər” ASC və "BakuBus” MMC ilə birgə həyata keçirilir.
"PoçTap” servisi bu ilin fevralında işə başlayıb və bu günədək sistemdə 350 itirilmiş sənəd qeydə alınıb. Onlardan 92-si sahiblərinə qaytarılıb. İtirilmiş sənədlər arasında böyük əksəriyyəti şəxsiyyət vəsiqələri təşkil edir".
İtirilmiş sənədlər "PoçTap” sistemində 30 gün müddətində qala bilər. Daha sonra onlar müvafiq strukturlara təhvil verilməlidir.
Bu günədək 203 sənəd strukturlara təhvil verilib. Hazırda "Azərpoçt”un şöbə və filiallarında 55 itirilmiş sənəd var.
Xəbərdən istifadə edərkən istinad etmək vacibdir.
