Bugün Dünya Azərbaycanlıları Assambleyası beynəlxalq təşkilatlara, beynəlxalq insan haqları qurumlarına "insan haqları ilə bağlı həyacan təbili” başlığı altında müraciət ünvanlanıb.
BMT İnsan haqları Komitəsi, ATƏT Parlament Assambleyası İnsan Haqları Komitəsi, Avropa Şurası İnsan Haqları Komitəsi, Avropa İnsan Haqları Kommisarı , Avropa Parlamenti , Avropa Ombudsmanı, Beynəlxalq Qırmızı Xaç başda olmaqla 20-yə yaxın quruma Azərbaycan Respublikasının işğal olunmuş ərazilərində girov götürülmüş Dilqəm Əsgərov və Şahbaz Quliyevlə bağlı müraciət ünvanlanıb.
Müraciətdə deyilir . Sitat :
Bir müddət öncə Azərbaycanın işğal olunmuş ərazilərində beynəlxalq birliyin Azərbaycan əraziləri kimi tanıdığı bölgədə 3 Azərbaycanlı dinc sakin girov götürülüb. Girovlardan biri sonradan öldürülsə də , digər iki nəfər ağır fiziki və mənəvi işgəncələrə məruz qalmışdır. Dilqəm Əsgərov və Şahbaz Quliyevin tanınmamış respublikanın məhkəmə orqanlarında çəkilmiş videoları, fotolarından hər iki şəxsin üzlərində mənəvi və fiziki işgəncələrin izləri açıq görünməkdədir.
Girovların ailələrinə verdikləri məlumatlara görə yazılan məktublarda hər iki əsirin səhhətində ciddi problemlər , həyati problemlər mövcuddur.
Məsələnin ciddiyyətini nəzərə alaraq beynəlxalq humanitar hüququn müharibə zamanı mülkü şəxslərin müdafiəsinə dair Cenevrə Konvensiyasının müddəalarının tətbiq edilməsində yardımçı olmanızı sizdən rica edirik.
Sitatın sonu.
Müraciətdə həmçinin Ermənistan hakimiyyətinin əsirlərin durumunun ağır olması duruma ilə bağlı müraciətlərə qeyri ciddi yanaşması nəticəsində hər iki girovun səhhətindəki problemlər ağırlaşıb. Beynəlxalq təşkilatlardan təcili tədbirlər görərək hər iki girovun durumlarının yaxşılaşdırılması, eyni zamanda onların sağ salamat öz ailələrinə geri verilməsi üçün təcili tədbirlər görülməsi istənmişdir.
Xəbərdən istifadə edərkən istinad etmək vacibdir.
