Ətraf mühitin qorunması, təbiətdə ekoloji tarazlığın təmin olunması baxımından istehsalat və məişət tullantılarının küçələrdə, yaşayış binalarının ətrafındakı zibil qutularına atılması əsas şərtlərdən biridir.Yaşayış binalarının ətrafında qoyulan dəmir qablardan tullantılar təmizlik departamentinin nümayəndələri tərəfindən evakuasiya olunur.Maraqlıdır, şəhərin təmizliyinin qorunması üçün nə qədər texnika fəaliyyət göstərir?
Xeberle.com olaraq Sumqayıt şəhər Təmizlik Departamentinin direktoru Məhəmməd Məmmədov ilə əlaqə saxladıq. M. Məmmədov bildirdi ki, şəhərin məişət tullantılarını təmizləmək üçün 43 texnika fəaliyyət göstərir.
"Şəhərdə gün ərzində 17000 kubmetr həcmində zibil daşınılır. Bu ancaq məişət tullantılarına aid rəqəmdir. Bundan başqa payız fəsli olduğu üçün quru ağacların budanması, kor-kosun təmizlənməsi işləri də gedir. Onlar üçün isə həftəlik 25-30 maşın ayırmışıq”.
M.Məmmədov yeniliklərdən də söz açıb:
"Biz indi yeni 25-28 kubluq konteynerlər düzəldirik. Bunlardan əlavə şəhərin təmizliyinin qorunması üçün yeni maşınlar almışıq. Onlardan ikisini bir mikrorayona cəlb etsək bütün yükü daşıya biləcək.
Ona istər məişət tullantısı, bərk tullantı, hər şey qoymaq mümkündür. Həmin maşınların sayəsində də şəhər müntəzəm olaraq məişət tullantılarından təmizlənəcək.
Hicranə İsmayılova
Xeberle.com

Xəbərdən istifadə edərkən istinad etmək vacibdir.