"On ilə
yaxındır ki, Azərbaycana gəlmişəm. İlk dəfə olaraq 2008-ci ildə 3 aylıq viza ilə
gəldim. Turist olaraq Azərbaycanla tanış oldum. Ölkəniz çox xoşuma gəldi və sonrakı taleyimi Azərbaycanla bağladım.
2012-ci ildə Sumqayıtda azərbaycanlı bir xanımla ailə qurdum, 2 övladım var.
Burada bizə qarşı çox gözəl münasibət var. "
Bu sözləri Xeberle.com-a açıqlamasında Sumqayıtda
yaşayan Pakistandan olan miqrant Şahid Çohan deyib.
Turizm şirkətlərindən
birinə rəhbərlik edən Ş. Çohan Sumqayıt şəhərini çox bəyəndiyini bildirib:
"Mənim dostlarım bura gələndə deyirlər ki, sən cənnətdə yaşayırsan.
Pakistana getdiyim zaman mənim üçün fərqi olmur, Pakistan və ya Sumqayıtdır. Karaçiyə gedəndə isə başım partlayır, çünki
orada çoxlu millətlər olur. Bundan başqa Sumqayıtda çox gözəl hava var. Həm də
yolları təmizdir. Pakistanda isə təmizlik
çox aşağıdır və əhalisi çoxdur. Məndən soruşurlar ki, sən "yetim"sən?
Deyirəm ki, hə "yetim"əm. Axı Sumqayıtda qalanlara "yetim"
deyirlər. (gülür)
Burada Dejurnunu
(Növbətçi), Pionerin yanını, Göyərçini tanıyıram. Sumqayıtda ən çox bəyəndiyim
isə ağacların çox olmasıdır. Burada hər yerdə ağac var. Bizdə isə elə şey
yoxdur, hamı ağacı kəsir, mağaza tikir."
Hicranə
İsmayılova
Xeberle.com
Xəbərdən istifadə edərkən istinad etmək vacibdir.
