Müğənni-bəstəkar, biznesmen Emin Ağalarov Bakıda Yeni il ərəfəsində ənənəvi konsert verib.
Xeberle.com Kult.az-a istinadən xəbər verir ki, Heydər Əliyev sarayında baş tutan konsertdə Emin Ağalarovun keçmiş həyat yoldaşı, Heydər Əliyev Fondunun vitse-prezidenti Leyla Əliyeva və qızı Əminə də iştirak edib.
Emin konsertdə iştiraka görə, Leyla Əliyevaya minnətdarlığını bildirib:
"Sizinlə Bakıda olmaq xoşbəxtlikdir, hamınızı yaxın insan hesab edirəm. Və konsertə gəldikləri üçün Leyla və Əminəyə xüsusi təşəkkür edirəm”.
Emin konsertdə ifa etdiyi "Vumen" (Woman) mahnısını Leyla Əliyevaya həsr etdiyini bildirib.
Əminə isə əlində gül dəstəsi ilə səhnəyə çıxıb. Emin isə öz növbəsində Leyla və Əminəni qucaqlayıb.

Xəbərdən istifadə edərkən istinad etmək vacibdir.