Vəkili "Xural” qəzetinin dünən saxlanılan baş redaktoru Əvəz Zeynallı ilə görüşüb.
Bu barədə  vəkil Elçin Sadıqov məlumat verib.
E.Sadıqov müvəkkilinin ona qarşı irəli sürülən ittihamla razılaşmadığını bildirib:

"Əvəz bəy izahatında da qeyd edib ki, bu, ona qarşı qurma oyundur. Qətiyyən razılaşmır. Əvəz Zeynallı dünən yolun bağlanmasına münasibətini bildirib. İnsanların hər gün o yola görə əziyyət çəkdiyini ictimailəşdirib. Bundan sonra Binəqədi rayon İcra Hakimiyyətinin rəsmi nümayəndəsinin göstərişilə saxlanıldığını deyir. Məhz həmin şəxsin göstərişilə Əvəz Zeynallını tutublar”.
Jurnalistin xanımı Məlahət Zeynallı Modern.az-a deyib ki, Əvəz Zeynallı bu gün Binəqədi rayon Məhkəməsinə çıxarılacaq.
Qeyd edək ki, Əvəz Zeynallıya qarşı İnzibati Xətalar Məcəlləsinin 535.1-ci maddəsi ilə inzibati iş qaldırılıb (polisin qanuni əmrinə tabe olmama).
(Modern.az)

Xəbərdən istifadə edərkən istinad etmək vacibdir.