Azərbaycan prezidenti İlham Əliyevin imzaladığı sərəncama əsasən əmək haqları artırılan təhsil işçilərinin sayı açıqlanıb.
Təhsil Nazirliyinin mətbuat xidmətindən Xeberle.com-a verilən məlumata görə, dövlət büdcəsindən maliyyələşdirilən təhsil müəssisələrində (ali təhsil müəssisələri istisna olmaqla) çalışan işçilərin aylıq vəzifə maaşları 2018-ci il martın 1-dən orta hesabla 10 faiz artırılıb və bu artım orta hesabla 240 min təhsil  işçisinə şamil edilir.
Qeyd edək ki, Azərbaycan prezidenti İlham Əliyev "Təhsil müəssisələrində çalışan işçilərin əməkhaqlarının artırılması haqqında” 28 fevral 2018-ci il tarixli sərəncam imzalayıb.  

Xəbərdən istifadə edərkən istinad etmək vacibdir.