Xeberle.com olaraq bu gecikmələrin səbəbini öyrənmək üçün Bakı Nəqliyyat Agentliyinin mətbuat xidmətinin rəhbəri Mais Ağayev ilə əlaqə saxladıq. M.Ağayev bildirdi ki, intervalda yaranan gecikmələrə səbəb günün müxtəlif saatlarında şəhərdə yaranan tıxaclardır: "18 nömrəli marşrut avtobusu ilə yanaşı, "Bakı Bus"-ın bir sıra avtobusları var ki, onların şəhərin mərkəzindən keçirlər. Həmin ərazilərdə mütəmadi şəkildə tıxaclar olur və ya nə iləsə bağlı hərəkət məhdudlaşdırılır. Gecikmələr əsasən günün səhər və axşam saatlarında yaranır. Günorta saatlarında isə yolüstü təmir işləri və ya yolda məhdudlaşdırılmalar tıxac yaranmasına səbəb ola bilir".