Böyük Britaniyanın cənub-şərqində Surrey universitetinin alimləri maraqlı araşdırma ilə dünya mediasının diqqətini çəkiblər. Belə ki, alimlər yollarda qeydə alınan çoxsaylı tıxacların həm sürücülərin, həm də sərnişinlərin sağlamlığı üçün olduqca təhlükəli olduğunu sübut ediblər.
Alimlər apardığı tədqiqatlar zamanı bir çox xroniki xəstəliklərin şiddətlənməsinin səbəbini ortaya çıxarıb. Geniş araşdırmanın nəticəsi "Atmospheric Environment" jurnalında dərc edilib.
Tədqiqat zamanı tıxaclarda avtomobillərdən ayrılan zərərli tüstü və qazların səviyyəsinin normadan yüksək olduğu təsdiqlənib. Bu isə insan orqanizmi üçün olduqca ziyandır. Bununla yanaşı, bağlı pəncərələrlə maşında kondisioneri qoşmaq hərəkət zamanı avtomobildən ayrılan zərərli tüstü və qazların 76%-nin avtomobilin içərisinə daxil olmasına səbəb olur. Bu isə insanların zəhərlənməsi deməkdir.
Bu səbəbdən mütəxəssislər saatlarla tıxaclarda qalan sürücülərə kondisioneri söndürməyi tövsiyə edir. Mühitindən asılı olmayaraq zərərli tüstülər saçan çoxsaylı avtomobillərin əhatəsində kondisioneri işlək saxlamaq bütün zərərli qazların avtomobilə daxil olması ilə nəticələnir.(Publika.az)

Xəbərdən istifadə edərkən istinad etmək vacibdir.