İstənilən ölkədən gələn həkim rahatlıqla bizim ölkədə fəaliyyət göstərir. İstədiyi vaxt gəlib, istədiyi xəstəxanada əməliyyat edib, pulunu alıb gedir ölkəsinə. Bizim heç bir həkim bunu hansısa xarici ölkədə edə bilməz. Həmin ölkələrin qanunları buna imkan verməz.
Axar.az xəbər verir ki, bu sözləri tibb elmləri doktoru, professor Adil Qeybulla pulla tibb diplomu alıb, savadı olmayan, ancaq reklam sayəsində çox sayda pasient qazanan həkimlər barədə Modern.az-a geniş açıqlamasında bildirib. Professor qeyd edib ki, sosial şəbəkələrdə və kanallarda reklamı aparılan, özünü həkim hesab edənlərin əksəriyyəti diplomunu pulla alan, anatomiyadan xəbəri olmayan şəxslərdir.
Onun sözlərinə görə, yaxşı həkim özünü reklam etməz:
"Təəssüf ki, avam camaat buna inanır və reklama uyur. Reklamı güclü gedən həkimə təlabat artır və bu da həmin həkimi məşhurlaşdırır, qəbul qiymətini artırır. Bizim millət belə reklamlara, qəbulu baha olan həkimə daha çox inanıb etibar edir.
Hansısa həkim çıxıb deyir ki, bu mənim öz müalicə üsulumdur. Sən kimsən axı, öz üsulun da ola?! 20 ildən çoxdur ki, Amerikada robot cərrahlığı tətbiq olunur. Həkim otaqda oturur, əməliyyatı robot icra edir. Bizdə heç robot yoxdur. Biz necə cərrah kimi özümüzü dünya ölkələrilə müqayisə edə bilərik? Utanmaq lazımdır. Bütün bunların hamısı avam camaata hesablanan reklamlardır”.
Xəbərdən istifadə edərkən istinad etmək vacibdir.