Xaçmaz şəhərində N saylı hərbi hissədə Gənclərin vətənpərvərlik tərbiyəsində müstəsna əhəmiyyəti olan, əsasnaməsi 7 nazirlik tərəfindən təsdiq olunmuş «Şahin» hərbi-idman oyunlarının Zona birinciliyi keçirilib. Qələbə uğrunda Sumqayıt, Siyəzən, Abşeron, Quba, Qusar, Şabran, Xızı və Qubadlı şəhərlərinin komandaları mübarizə aparıb. Sumqayıt şəhərini bu yarışda Təbiət Elmləri Təmayüllü Gimnaziyanın "Şahinlər” komandası təmsil edib. Gərgin keçən mübarizədən sonra Təbiət Elmləri Təmayüllü Gimnaziyanın "Şahinlər” komandası 1-ci yerə layiq görülərək Zona çempionu olublar. Quba məktəbliləri 2-ci olublar. İlk üçlüyü isə Abşeron rayonunun kollektivi tamamlayıb.

Xatırladaq ki, mayın 9-u və 10-da isə Respublika birinciliyi keçiriləcək.