Bəzi vətəndaşlar bizə müraciət edir ki, "biz hara imza atıb, pulu götürmüşük?”
Xeberle.com-un məlumatına görə, bunu jurnalistlərə açıqlamasında Azərbaycan Dövlət Sığorta Kommersiya Təşkilatının İdarə heyətinin sədr müavini Aftandil Hacıyev deyib.
Onun sözlərinə görə, 1997-ci ilin avqustuna qədər həmin dövrdə mövcud olan valyuta və inflyasiya ilə əlaqədar şəhid hərbi qulluqçuların vərəsələrinə 25 min, 50 min, 100 min, 200 min rubl qədər ödəniş edilib.
İdarə heyətinin sədri qeyd edib ki, həmin dövrdə aldığı məbləğin azlığından şikayət edənlər var:
"Deyirlər ki, 11 min manatlıq ödəniş onlara da şamil edilsin. Bəzi vətəndaşlar müraciət edir ki, "biz hara imza atıb, pulu götürmüşük?” Yerli şöbələrimizdən imza ilə pul alınmayıb, banklardan götürülüb.
Amma biz sənədə imza atdıraraq ödəniş etməmişik. Həmin vəsait banklardan götürülüb. Bəzi hallarda 18 yaşına çatmamış vərəsələrin adına köçürülüb. Həmin yaşı tamam olanda isə almağı unudub, ya da pul dəyərdən düşdüyünə görə almadığı deyərək indi müraciət edir. Bəzi şikayətçilər ödənişi aldığını, lakin vəsaitin həmin vaxt dəyərsiz olduğunu deyərək, təkrar almaq istədiyini deyir”.
Xəbərdən istifadə edərkən istinad etmək vacibdir.
