Avtobuslar bizə xidmət edir, yoxsa zəhərləyir?

Sumqayıt sakinlərinin çoxsaylı şikayətlərini nəzərə alaraq,XeberLent.az informasiya agentliyi olaraq, gənclər şərində avtobusların nə dərəcədə təmiz olub-olmamasını araşdırdıq.

Onsuzda təmiz olmayan marşurutlarımız qarın yağmasından sonra, daha da bərbad hal alıblar. Yəni, marşurutlarımızın həm zahirir, həm də daxili çox çirkli vəziyyətdədir. Bu gün Sumqayıtda sərnişin daşıyan avtobusların hamısı olmasa da, çoxu natəmizlik mənbəyidir. Marşrutlara ayaq qoyar-qoymaz palçıq, neçə ayların toz-torpaqı və sərnişinlər tərəfindən atılan kağız-kuğuzlar ərşə qalxır. Avtobuslarımızın nə cür təmiz olub-olmamasını bilmək üçün, sadəcə onların pəncərələrinə, qapılarına nəzər salmaq kifayətdir. Apardığımız müşahidələr zamanı çox az sayda təmiz avtobusa rast gəldik. Ən çox natəmizlik olan avtobuslar 5 - 7 – saylı marşurutla işləyən avtobuslar idi.

Avropa ölkələrinnin təcrübəsinə nəzər salsaq görərik ki, marşurutlar, dövlət taksiləri və sair ictimai nəqliyyat vasitələri hər gün yuyulur, daha sonra isə sərnişinlərə xidmət edir. Düzdür, Azərbaycanda nəqliyyat vastələrinin döşəmələrində kontur, şirniyyat, tüpürcək (üzr istəyirik) və sair kimi kağızlarla dolu olmasında sərnişin faktorunuda qeyd etmək lazımdır. Ancaq bu, o demək deyil ki, marşurut rəhbərliyi və sürücülər bunu özləri üçün bəhanə etməlidilər. Qayda üzrə, onlar hər gün səhər tezdəm maşınlarının daxili və zahiri təmizliyini qaydasına salıb, sonra işə çıxmalıdılar.

Adının şəkilməsini istəməyən avtobus sürücüləri ilə söhbətimiz zamanı onlardan da bu cür “şərnişin” arqumentini gördük. Onlar iddia edirlər ki, sərnişinlərin təmizlik qaydalarına riayət etməmələri avtobuslarda natəmizliyə gətirib çıxarır.

XeberLent.az informasiya agentliyi olaraq, Nəqliyyat Nazirliyinin İctimaiyyətlə Əlaqələr şöbəsinin rəhbəri Namiq Həsənova dəfələrlə müraciət etsək də, cənab Həsənov susmağa üstünlük verdi. Məsələyə yenidən qayıdacayıq.

P.S Sonda ümüd edirik ki, həm avtobus sürücüləri, həm də sərnişinlər özlərinin və ətrafdakıların təmizliyinə qalacaqlar.