Xeberle.com-a verilən məlumata görə, görüşdə çıxış edən Baş İdarənin rəisi Elgün Hümbətov bildirib ki, Respublikada ilk dəfə olaraq Sumqayıtda ictimai nəqliyyat vasitələrində sürücülər və sərnişinlər arasında düzgün ictimai davranışqaydalarının təbliği məqsədilə"NəqliyyatKönüllüləri” qrupu yaradılıb. Qeyd olunub ki, məqsəd ictimai nəqliyyatda sürücü və sərnişin məsuliyyətini artırmaq, qaydalara riayət etmək və bununla da daha rahat və təhlükəsiz sərnişin daşımaya şərait yaratmaqla digər problemləri aradan qaldırmaqdır. Diqqətə çatdırılıb ki, şəhər ərazisində görülən abadlıq-quruculuq işləri çərçivəsində nəqliyyat sistemi daha da təkmilləşdirilib. Beləki Sumqayıtda sakinlərin gediş-gəlişini təmin etmək üçün müasir tipli 200-dən çox nəqliyyat vasitələri gətirilib və marşrut xəttlərində istifadəyə verilib.

Görüşdə həmçinin könüllülərə fəaliyyət istiqamətləri üzrə müəyyən tapşırıq və tövsiyələr verilib, isti yay günlərini nəzərə alaraq nəqliyyat vasitələrində soyutma sistemlərinin işlək vəziyyətdə olmasına nəzarətin vacibliyi vurğulanıb, suallar cavablandırılıb.

Sonra könüllülər Baş İdarə və Nəqliyyat Departamenti əməkdaşlarının müşayəti ilə müxtəlif marşrutlar üzrə avtobuslarda maarifləndirmə işini davam etdirib, sərnişinlərə və sürücülərə maarifləndirici bukletlər paylayıblar.