Tədbirin keçirilməsində məqsəd təhlükəli xəstəlik olan AİDS-in yaranmasından, onun yayılması, yayılma səbəbləri və ondan qorunmaq üçün müalicə profilaktika üsullarından xəbər vermək, ümumiyyətlə dünyada bu virusun nece yayıldığı haqda tədbir iştirakçılarını məlumatlandırmaq olub. Tədbirdə SDU-nun prorektoru Nizami, QAC Sumqayıt şəhər bölməsinin sədri Mətanət Məhərrəmova, Sumqayıt şəhər Gənclər və İdman baş idarəsinin gənclərlə iş sektorunun baş məsləhətçisi Ceyhun Hüseynov və Respublika QİÇS-lə mübarizə mərkəzinin mütəxəssisi Ceyhun Nəcəfov iştirak etdilər. 

Tədbir iştirakçılarını salamlayan SDU-nun prorektoru Nizami Namazov "Ümumdünya QİÇS günü” mövzusunda iştirakçılara məlumat verdi. Sonra isə Qızıl Aypara Cəmiyyəti Sumqayıt şəhər bölməsinin sədri Mətanət Məhərrəmova  çıxış edərək günümüzün aktual  mövzusu olan bu səpkili tədbirin keçirilməsinin nəinki gənclər üçün hətta  hər kəs üçün vacib olduğunu vurğuladı. Tədbirdə Qızıl Aypara Cəmiyyəti Sumqayıt şəhər bölməsinin  təlimatçıları Mirvari Quliyeva və Nərgiz Əhmədova hazırladıqları prezentasiya əsasında QİÇS haqqında məlumat verdilər. Daha sonra Sumqayıt şəhər Gənclər və İdman baş idarəsi tərəfindən hazırlanan QİÇS mövzusunda videorolik nümayiş etdirildi. Tədbirin sonunda   Respublika QİÇS  Mərkəzinin tibb personalı tərəfindən QAC Sumqayıt şəhər bölməsinin əməkdaşları və könüllüləri,  SDU-nun müəllim və tələbə heyyəti,  ümumilikdə 500 nəfərə yaxın insanlar  test analiz olundular, QİÇS-lə bağlı buklet və braşuralar iştirakçılara paylanıldı.

QAC Sumqayıt şəhər bölməsinin 

təlimatçısı Mirvari Quliyeva