Əmək və Əhalinin Sosial Müdafiəsi Nazirinə yeni müavin təyin olunub. 

AzVision.az-ən əldə etdiyi məlumata görə, bu vəzifəyə Vergilər Nazirliyinin Beynəlxalq münasibətlər idarəsinin rəhbəri Mətin Kərimli gətirilib.

Yaxın vaxtlarda təyinatın rəsmən elan olunacağı gözlənilir.

Mətin Kərimli 1995-1999-cu illərdə Bakı Dövlət Universitetində beynəlxalq münasibətlər üzrə bakalavr, 1999-2002-ci illərdə isə Fransanın Strasburq Universitetində (o zaman Robert Şuman Universiteti) Avropaşunaslıq üztə magistr təhsili alıb. Almaniya və İtaliyada uzunmüddətli peşəkar tədris və təlim proqramlarında iştirak edib. 2005-ci ildə Xarici İşlər Nazirliyində, 2008-2011-ci illərdə Brüsseldə NATO-nun Beynəlxalq Katibliyində və Azərbaycanın NATO yanında Nümayəndəliyində çalışıb. Daha sonra Harvard Kennedi Məktəbində təhsil alaraq, peşəkarlığını artrıb. 

Yeni vəzifəsində Mətin bəyə uğurlar arzu edirik.