Nazirlər
Kabineti yanında Operativ Qərargahın təlimatına əsasən, insanları
maarifləndirmək məqsədilə Qızıl Aypara Cəmiyyətinin Sumqayıt şəhər
bölməsinin əməkdaşları və könüllüləri ənənəvi tədbirlər həyata keçirir.
Bölmədən Xeberle.com-a bildirilib ki, tədbir çərçivəsində Sumqayıt şəhərinin müxtəlif
yerlərində, o cümlədən sakinlərin daha sıx cəmləşdiyi ərazilərdə, iri
marketlərin qarşısında COVID-19 infeksiyasının qarşısını almaq məqsədilə
maarifləndirmə işləri aparılıb, buklet və broşürlər, şəxsi gigenik
ləvazimatları: tibbi maska, spirt, dezinfeksiyaedici maye paylanılıb.
Bununla yanaşı, bölmənin könüllüləri maarifləndirici plakatları
marketlərin qarşısına yapışdırıb, əhali ilə profilaktik söhbətlər
aparıblar. İnsanları bir daha zərurət olmadığı halda küçələrə çıxmamağa,
evdə qalmağa və bununla da özlərini, əhatələrini qorumağa səsləyiblər.
Xəbərdən istifadə edərkən istinad etmək vacibdir.
