İqtisadiyyat Nazirliyi sahibkarlıq subyektlərində (ictimai iaşə və turizm obyektləri istisna olmaqla) pandemiya şəraitinin zəruri qayda və tələblərinə əməl olunmasına nəzarət məqsədilə mayın 6-də növbəti monitorinqlər keçirib.
Bu barədə Xeberle.com-a nazirlikdən məlumat verilib.
Bildirilib ki, monitorinqlər zamanı Sumqayıt şəhərində "Uşaq hədiyyələri mağazası”nda, "Mebel mağazası Aysu”da, "Caspi computer”də, "Diana market”də, "Mağaza Ramiz”də, "Ramal market”də, "Elit tikinti materialları mağazası”nda, "Yazı düzü istilik sistemləri mağazası”nda epidemiya əleyhinə rejimin, sanitariya-gigiyena tələblərinin pozulduğu aşkar olunub.
Nöqsanlara yol vermiş sahibkarlıq subyektləri barədə İnzibati Xətalar Məcəlləsinə uyğun olaraq müvafiq tədbirlər görülüb.
Xəbərdən istifadə edərkən istinad etmək vacibdir.
