Sumqayıt Regional Mədəniyyət İdarəsi, ona tabe müəssisələrin əməkdaşları 2-ci Qarabağ savaşında şəhidlik zirvəsinə ucalan qəhrəmanlarımızın və qazilərimizin ailələri ilə mütamadi olaraq görüşlər keçirir, onların qayğıları ilə maraqlanır maddi və mənəvi dəstək göstərirlər.
Keçirilən növbəti belə görüş Sumqayıt qaziləri ilə baş tutub. İdarənin əməkdaşları, Anar Əsədov, Firdovsi Eyvazov, Vasif Allahverdiyev, Ariz Hüseynov və Aydın Həsənovun ailəsini ziyarət edib.
Kollektiv xalqımızın hər bir vətəndaşının hər zaman onların yanında olduğunu vurğulayıblar. Diqqətə çatdırılıb ki, Vətən torpaqlarının bütövlüyü uğrunda döyüşlərdə şəhid olan oğullarımızın ailələrinə eyni zamanda sağlamlıqlarını itirən vətəndaşlara dövlətimiz xüsusi həssaslıq və qayğı ilə yanaşır.
Sonda idarə rəhbəri adından onlar üçün hazırlanan sovqat payı qazilərimizə təqdim edilib.
Qazilərdə öz növbələrində onlara verilən bu dəyərə görə minnətdarlığını və məmnunluğunu bildirib.
Xəbərdən istifadə edərkən istinad etmək vacibdir.
