Bu ilin yanvar-iyul aylarında Azərbaycana 474,6 milyon dolları dəyərində 47 min 374 ədəd müxtəlif təyinatlı avtomobil idxal olunub.
Xeberle.com xəbər verir ki, bu barədə Dövlət Gömrük Komitəsi məlumat yayıb. Yeniavaz-ın apardığı hesablamaya görə, idxal olunan bir ədəd avtomobilin orta gömrük dəyəri 10 min 18 dollar (17 min 31 manat) olub.
Bu ilin ilk 7 ayında daxiliyanma mühərrikli avtomobillərlə yanaşı, elektrik mühərriki ilə də hərəkətə gətirilən (hibrid) 5 min 879 avtomobil idxal olunub. Bu avtomobillərin ümumi dəyəri 36 milyon dollar olub. İdxal olunan bir ədəd hibrid avtomobilin orta gömrük dəyəri 6 min 124 dollar (10 min 410 manat) olub.
Xəbərdən istifadə edərkən istinad etmək vacibdir.
