Sumqayıt şəhər Mədəniyyət və Turizm idarəsinin Mətbuat xidmətindən Xeberle.com-a verilən məlumata görə, tədbirdə çıxış edən Sumqayıt şəhər Mədəniyyət və Turizm idarəsinin rəisi Mehman Şükürov Hüseyn Cavidə həsr olunmuş tədbirin Əli Kərim adına poeziya evində keçirilməsini əlamətdar hadisə adlandırıb. Natiqin bildirdiyinə görə, Əli Kərim adına poeziya evinin Hüseyn Cavidin nəşinin öz vətəninə qaytarılmasında müstəsna rol oynayan Heydər Əliyev parkında yerləşməsi gözəl təsadüfdür: "Maraqlıdır ki, Hüseyn Cavidə həsr olunmuş toplantı bu poeziya evinin ilk ədəbi tədbiridir”.

Tədbir iştirakçılarına bu gözəl və anlamlı təşəbbüs üçün bir daha təşəkkürünü çatdıran M. Şükürov belə yüksək səviyyəli toplantılara Sumqayıt mədəniyyət ocaqlarının hər zaman açıq olduğunu bildirib.

Daha sonra sözH.Cavid ədəbi birliyinin sədri Kəmaləddin Qədimə verilib. Kəmaləddin Qədim Azərbaycan poeziyasında Hüseyn Cavidin oynadığı müstəsna roldan danışıb. O, həmçinin ədəbi birlik olaraq bu zamana qədər gördükləri işlər barədə Sumqayıt Cavidsevərlərini məlumatlandırıb.

H. Cavidin nəşini Sibirdən gətirən nümayəndə heyətinin sədri Həmid Cəfərovuncıxışı da böyük maraqla dinlənilib.

Daha sonra tədbirdə çıxış edən şairlərAdilə Nəzər, Əsgər Veysəlli, Fərqanə Mehdiyeva, Nizami Muradoğlu, Aləm Kəngərli, Ofelya Babayeva, Nəriman Zeynalzadə, Elvin Əlizadə, Zirəddin Qafarlı, Məryəm Aslanqızı, Aləmzər Sadıqqızı, Ələsgər Talıblı, Arzu Nehrəmli, Firudin Şahbuz, Kamil Məhərrəmoğlu, Etibar Qərib, Hüseyn Sözlü, Nadir Ayazoğlu, Şəhla Vahidvə b. öz şeirlərini oxuyublar.