"Hazırda bu istiqamətdə işlər gedir, mümkün variantlar nəzərdən keçirilir. Çalışırıq ki, daha uyğun və problemsiz sistem tətbiq edək".
Bu barədə Xeberle.com-a "Sumqayıt Nəqliyyat-1" MMC-dən məlumat verilib. Qeyd olunub ki, Nazirlər Kabinetinin qərarına əsasən, 2022-ci il 15 fevral tarixinə kimi respublika üzrə bütün marşrut avtobuslarında kart sisteminə keçilməlidir: "Yaxında bütün problemləri aradan qaldırıb, yenidən kart sisteminə keçiriləcək və bu barədə ictimaiyyətə sizin sayt vasitəsi ilə əvvəlcədən məlumat verəcəyik".
Xatırladaq ki, bu ilin sentyabrın 28-dən Sumqayıtda ictimai nəqliyyatda kartla ödəniş sisteminə keçilmişdi. Validatorlarda və kart sistemində yaranan problemlər səbəbindən isə noyabrın 22-dən nağdsız ödəniş sistemi müvəqqəti dayandırılıb.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
