Novruz bayramı Azərbaycan xalqının milli adət-ənənələrini özündə birləşdirən, əsrlərin dərinliyindən gəlib bizim günlərə çıxmış ən şən və gözəl bayramlardan biridir. Novruz bayramını qeyd etmək baharın ilk gününü qarşılamaq deməkdir.
Martın 18-də Qubadlı Rayon Təhsil Şöbəsinin müdiri Fuad Bədəlov və Şöbə əməkdaşları 2 saylı Sağlamlıq imkanları məhdud uşaqlar üçün sosial xidmət müəssisəsində olmuş, bayramı onlarla birgə keçirmişlər. Bu ziyarət sağlamlıq imkanları məhdud uşaqların bayram sevincini qat-qat artırmışdır.
Birliyimizi, həmrəyliyimizi özündə təcəssüm etdirən Novruz bayramında uşaqlarla bir arada olmaq, onların qayğıları ilə maraqlanmaq, sevincimizi bir yerdə paylaşmaq hər birimizi qürurlandırır. Çünki milli-mənəvi dəyərlərimizə, adət-ənənələrimizə uyğun olaraq uşaqlara, böyüklərə diqqət və qayğı hər birimizin vətəndaşlıq borcudur.
Xəbərdən istifadə edərkən istinad etmək vacibdir.
