Türkiyənin xarici işlər naziri Mövlud Çavuşoğlu Azərbaycan haqqında danışıb.
Xeberle.com Türkiyə mətbuatına istinadən xəbər verir ki, o, Budapeştdə keçirilən Antalya Diplomatiya Forumu və Macarıstan Xarici Əlaqələr və Xarici Ticarət İnstitutunun birgə təşkil etdiyi tədbirdə çıxış edib.
"Qarabağdakı olaylar dondurulmuş konfliktlərin mövcudluğunu nümayiş etdirdi. Lakin Cənubi Qafqazda əməkdaşlıq imkanları qalır. Türkiyə Azərbaycan, Gürcüstan və İranla əməkdaşlıq edir. Gələcəkdə Ermənistan da qoşula bilər", - deyə o söyləyib.
Çavuşoğlu Azərbaycandan Macarıstana qaz nəqlindən də danışıb: "İlham Əliyev dünən Budapeştdə idi. Azərbaycan və Macarıstan arasında enerji üzrə əməkdaşlıq haqqında anlaşma çox yaxşıdır".
Xəbərdən istifadə edərkən istinad etmək vacibdir.
