Moskva və Tehran Rusiya istehsalı olan Su-35 qırıcı təyyarələri, Mi-28 hücum helikopterləri və Yak-130 reaktiv təyyarələrinin tədarükü ilə bağlı razılaşmaları yekunlaşdırıb.
Xeberle.com məlumat verir ki, bu barədə İran müdafiə nazirinin müavini briqada generalı Mehdi Farahi bildirib.
"Tasnim" agentliyinə danışan general deyib: "Həmin üç qabaqcıl hərbi təyyarə mütləq İranın sərəncamında olacaq və hazırda proses davam edir".
General qeyd edib ki, İran kəmiyyət baxımından regionda ən güclü hərbi helikopter parkına malikdir və bir neçə layihə həyata keçirdikdən sonra helikopterlərin imkanlarını təkmilləşdirib.
İran və Rusiya iqtisadi, ticarət, enerji və hərbi əməkdaşlığı artırmaq üçün böyük sazişlər imzalayıblar.
Xəbərdən istifadə edərkən istinad etmək vacibdir.
