Əsl kişi nə deməkdir? Belə görünür ki, Əlcəzairdə başlanmış kampaniyanın arxasında duranlar yalnız ailələrindəki qadınların nə geyindiklərinə və onların ictimai yerlərdə hicablı olmasına nəzarət edə bilənləri əsl kişi sayırlar.
Facebook-da "Kişi ol, qadınlarını açıq-saçıq paltarlar geyinməyə qoyma” səhifəsi minlərlə "like” toplayıb.
Onlar iddia edirlər ki, islami hicab və başqa sadə geyimlər qadınları lüzumsuz diqqətdən qoruyur.
Bir neçə postlarda qadınlar müxtəlif əşyalarla müqayisə edilirlər. Məsələn şəkildəki "çöplü konfet” lərdən biri təmiz kağızla örtülüdür, o birisi isə açıqdır və üstünü qarışqa basıb.
Şəklin altında belə yazılıb: "Sən onların qabağını ala bilməzsən, amma özünü qoruya bilərsən”. Başqa bir şəkildə isə açıq-saçıq geyinmiş qadın, qabığı soyulmuş banana bənzədilir.
Facebook kampaniyaçıları bütün dünya qadınlarını iyunun 6-da evdən qısa ətəklərdə çıxmağa çağırıblar
Lakin bu kampaniya qadın hüquqlarına daha mütərəqqi baxışları ilə tanınan qonşu dünyəvi Tunisdə güclü əks-kampaniyaya səbəb olub.
Tunis kampaniyaçısı Rəşid ben Osman Əlcəzair qadınları ilə həmrəylik üçün "beynəlxalq mini yubka gününün” keçirilməsinıə çağırıb. "Biz islamçıların üstün gəlmələrinə yol verməməliyik” – Osman Facebook səhifəsində yazıb.
Başqa bir tunisli qadın kampaniyaçı şəxsi təhlükəsizliyinə görə BBC Trending-ə anonim şəkildə bildirib ki, "Kişi ol” kampaniyası qadınları aşağılayır.
Mini yubkanın bu kampaniyaya nə üçün şüar seçildiyi barədə suala isə qadın belə cavab verib: "Məqsəd eynidir. Onlar hicaba əsas geyim komponenti kimi baxırlar, biz də mini yubkanı simvol seçmişik”.
Onlar hicaba əsas geyim komponenti kimi baxırlar, biz də mini yubkanı simvol seçmişik
Nisbətən daha liberal olmasına baxmayaraq son illərdə İslam mühafizəkarlığına tərəf meyl edən Tunsidə yaşayan bu qadın deyib ki, onun ölkəsində qısa ətək hicabdan daha əvvəl geyinilib.
Mini yubka Facebook səhifəsi bu həftənin əvvəllərində naməlum səbəblərə görə bağlansa da, sonradan bərpa edilib. Bu kampaniya tədbiri əvvəlcə şənbə gününə planlaşdırılmışdı, lakin sonradan ləngiməli oldu.
İndi isə kampaniyaçılar bütün dünya qadınlarını iyunun 6-da evdən qısa ətəklərdə çıxmağa çağırıblar.
BBC "Kişi ol” kampaniyası ilə əlaqə saxlamağa cəhd göstərsdə də, onlar şərh verməkdən imtina ediblər. (bbc.com)
Xəbərdən istifadə edərkən istinad etmək vacibdir.
