Çita sakini 25 il ərzində sovet pasportunu dəyişmədən, Rusiya Federasiyası pasportu almadan yaşayıb. Prokurorluq bununla bağlı məhkəməyə müraciət edib.
Teleqraf.com xəbər verir ki, bu fikirlər Zabaykalye Diyarı Prokurorluğunun bəyanatında öz əksini tapıb.
Məlum olub ki, 60 yaşlı qadın təqaüd almaq üçün sənədlərini hazırlamaqla məşğul olmaq qərarına gəlib. Əvvəllər isə lazımsız hesab etdiyi üçün bu işlə məşğul olmayıb. Bu məqsədlə polisə müraciət etdikdə məlum olub ki, çitalı SSRİ dağılandan sonra heç bir yerdə qeydiyyatda olmayıb. Ona görə də Rusiya vətəndaşlığına iddia edə bilməz.
Qadın polisdən prokurorluğa şikayət edib, prokurorluq isə işi rayon məhkəməsinə göndərib.
Diyar prokurorluğu il ərzində azı 5 bu cür faktın qeydə alındığını da bildirib.
Xəbərdən istifadə edərkən istinad etmək vacibdir.
