"Facebook" istifadəçilərinin uzun müddətdir gözlədiyi İPad üçün "Facebook Messenger" proqramı istifadəyə verildi. 

İnterAz-ın Türkiyə mediasına istinadən verdiyi xəbər görə, "facebook" istifadəçilərinə mesajlaşma imkanı verən "facebook messenger" smartfonların ardınca planşetlərə də uyğunlaşdırılmağa başlandı. Hələlik "İPad"lərdə işləyən proqram ilə istifadəçilər "facebook"a bağlı qalmayıb, bu proqram ilə də rahatlıqla mesajlaşa biləcəklər.

"Facebook messenger"in smartfonlarda olan bütün xüsusiyyətlərini "İPad"lardə cəmləşdirən proqram ilə istifadəçilər sadəcə mesajlaşmayacaq, həm də "WIFI" ilə səsli danışmaq imkanına da malik olacaqlar.