İran İslam İnqilabı Keşikçiləri Korpusu general Qasım Süleymaninin öldürüldüyünü təsdiqləyib.
Xeberle.com-un xarici KİV-ə istinadən verdiyi məlumata görə, "Əl-Qüds” qüvvələrinin başçısı, İran İslam İnqilabı Keşikçiləri Korpusunun generalı Qasım Süleymani Bağdada endirilən raket zərbələri nəticəsində həlak olub. İran tərəfi Süleymaninin ölümünə görə ABŞ-dan qisas alacağını bəyan edib.
Pentaqon isə hadisə ilə bağlı açıqlama yayaraq Süleymaninin öldürülməsi ilə nəticələnən əməliyyatın ABŞ Prezidenti Donald Trampın göstərişi ilə həyata keçirildiyini təsdiqləyib.
Qeyd
olunub ki, Qasım Süleymaniyə qarşı müdafiə xarakterli əməliyyat
Birləşmiş Ştatların xaricdəki şəxsi heyətini müdafiə etmək məqsədilə
keçirilib.
Xəbərdən istifadə edərkən istinad etmək vacibdir.
