ABŞ Prezidenti Donald Trampın qərarından sonra Ümumdünya Səhiyyə Təşkilatı (ÜST) büdcəsinin 14 faizindən çoxunu itirə bilər.
Xeberle.com "RİA-Novosti"yə istinadən xəbər verir ki, ÜST-nin büdcəsi həm məcburi, həm də könüllü ianələr hesabına formalaşır.
Təşkilata üzv olan ölkələr məcburi ödənişlər edir. Hər bir üzv dövlətin ödənişinin məbləği ölkənin və onun əhalisinin rifahına uyğun olaraq hesablanır.
2018-2019-cu ilin statistikasına əsasən, ABŞ ÜST-nin büdcəsinə 553,1 milyon dollar ödəniş edib ki, bu da büdcənin 14,67 faizini təşkil edir.
Xatırladaq ki, ABŞ Prezidenti Donald Tramp Ümumdünya Səhiyyə Təşkilatına maliyyə ayrılmasını dayandırıb.
Xəbərdən istifadə edərkən istinad etmək vacibdir.
