Şimali Koreya lideri Kim Çen Inın 3 həftə ərzində görünməməsinin səbəbi bəlli olub.
Xeberle.com xarici mətbuata istinadən xəbər verir ki, 3 həftəlik fasilədən sonra "öldü və ya əməliyyat olundu” olduğu iddia edilən Şimali Koreya lideri Kim Çen Iın üzün müddət görünməməsi ilə bağlı bir iddia ortaya atılıb.
Məlumata əsasən,dünən ürək əməliyyatından keçdiyini sübut edən Kimin gündəliyində tamamilə fərqli bir planın olduğu irəli sürülüb.
Belə ki, Şimali Koreya liderinin üç həftəlik müəmmalı şəkildə yoxa çıxması ilə əlaqədar bir iddia Avstraliyadan gəlib. Avstraliyanın aparıcı televiziya kanallarından biri olan "Sky News Australia”dan jurnalist Jeyms Morrou, Kimin bir müddət əslində sağlamlıq problemləri üçün deyil, siyasi hesab üçün yoxa çıxdığını iddia edib.
Şimali Koreyanın tarixi və siyasətində ixtisaslaşmış təcrübəli jurnalist Ceyms Morrou, 36 yaşlı Şimali Koreya liderinin yaxın işçiləri arasında ona xəyanət etməyə hazırlaşanları müəyyən etmək üçün belə bir əməliyyat keçirdiyini söyləyib.
"Şimali Koreyadakı elit təbəqənin onun ölümünə necə reaksiya verəcəyini görmək üçün öldüyünə dair iddialar yayıb. Bir az geri çəkilikb və yoxluğunda kimin yanında olacağını və idarəni ələ keçirmək üçün hərəkətə keçəcəyini görmək istəyib” deyə jurnalist ifadəsində bildirib.
Məşhur jurnalist, "İndi Kim əvvəlkindən daha sərt və qəddar olacaq. Şübhə edirəm ki, Şimali Koreyada həbslər tezliklə başlayacaq” deyə açıqlamasında qeyd edib.
Xəbərdən istifadə edərkən istinad etmək vacibdir.
