İran uran zənginləşdirməsini 20%-ə qədər qaldırıb.
Xeberle.com "Radio Sputnik”ə istinadən xəbər verir ki, bu barədə ölkənin Atom Enerjisi Təşkilatının (AEOI) rəsmi nümayəndəsi Behruz Kamalvəndi danışıb.
Onun sözlərinə görə, 4 dekabr axşam saat 19:00-da İran Fordodakı nüvə müəssisəsində uranı 20%-dək zənginləşdirməyə nail olub.
Qeyd edək ki, 5+1 ölkələri ilə İran arasında imzalanan müqaviləyə əsasən, Tehran uranı 3,67% səviyyəsində zənginləşdirə bilər. Lakin ABŞ-ın sazişdən çıxmasından sonra İran "Sanksiyaların ləğvi üçün strateji tədbir” qanunu çərçivəsində zənginləşdirməni 4-%dən çox artırıb.
Xatırladaq ki, uranın 20 faiz səviyyəsində zənginləşdirilməsi hərbi məqsəd üçün istifadə edilə bilər.
Xəbərdən istifadə edərkən istinad etmək vacibdir.
