"The Lancet Global health journal” jurnalında dərc edilmiş tədqiqat 197 ölkəni əhatə edib. Alimlər 4,5 milyard insan arasında sorğu apararaq, dünyanın müxtəlif yerlərində insanların neçə süfrə açdıqlarını öyrəniblər. Onların tərtib etdiyi cədvəldə düzgün pəhriz saxlayan ölkələr göstərilib. Bu ölkələrin sakinlərinin rasionuna 17 əsas məhsul daxildir. Bundan əlavə, tədqiqatda qeyri-sağlam qidalanmanın əmələ gətirdiyi şəkərli diabet, piylənmə, insult, ürək xəstəlikləri göstərilib.
Ən düzgün qida rasionu Çad, Syerra-Leone, Mali, Qambi, Uqanda, Qana, Kot-d' İvuar, Seneqal, İsrail və Somalidə qeydə alınıb. Ən zərərli qidanı Ermənistan, Macarıstan, Belçika, Çexiya, Qazaxıstan, Belarus və Argentina sakinləri qəbul edirlər.
ABŞ, Kanada, Qərbi Avropa və Yeni Zenlandiyanın əhalisi kimi ən sağlam xalqlar isə yaxşı rasionu ilə öyünə bilməyiblər, çünki bu ölkələrdə sağlam olmayan qida çox populyardır. Belçika və Macarıstan sakinlərinin çox hissəsi yarımfabrikatlar ilə dolandıqları halda, Çad və Syerra-Leon sakinləri, əsasən, meyvə-tərəvəz, qoz-fındıq və digər faydalı ərzaqlara üstünlük verirlər.
Alimlər müəyyən ediblər ki, yaşlı insanlar və qadınlar öz yeməyinə daha çox fikir verir, sağlam pəhriz saxlayırlar.
Tədqiqat göstərib ki, dünyanın hər yerində meyvə və tərəvəzdən istifadə artıb, lakin bu artım böyük miqdarda ziyanlı fast-fudu kompensasiya edə bilmir.  (azertag.az)