«Rusiyadan Britaniyaya gizli şəkildə on milyardlarla dollar keçirilib»
«The Times» son sayında olduqca maraqlı və ifşaedici məlumat yayıb. Nəşrin «Deutsche Bank»ın ekspertlərinə istinadən yazdığına görə, son on ildə Rusiyadan Böyük Britaniyaya gizli şəkildə on milyardlarla dollar keçirilib. Araşdırmalara görə, sözügedən müddətdə Britaniyaya gizli şəkildə 150,78 milyard dollar daxil olub. Bu pulların əksəriyyəti isə rusiyalı sərmayəçilərə məxsusdur.
«Deutsche Bank»dan bildiriblər ki, söhbət, əsasən sərmayə adı altında çirkli pulların yuyulması kimi, qeyri-qanuni əməliyyatlardan gedir. Ekspertlər deyir ki, Britaniyaya Rusiya ilə yanaşı, Yunanıstan, İsrail, Çin və Yaxın Şərqdən də bu cür pullar daxil olub.  (azadliq.info)