Zakir Fərəcov Sumqayıt şəhər İcra Hakimiyyətinin Başçısı təyin olunduğu gündən şəhərdə kadr islahatlarına başlayıb
Sumqayıtın icra başçısı Zakir Fərəcov çıxışlarında icra strukturunda, idarə və müəssisələrdə kadr islahatlarının aparılacağı mesajını vermişdi. O, əsasən gənc kadrlara üstünlük veriləcəyini vurğulamışdı.

İcra başçısının apardığı kadr islahatları Sumqayıt şəhər İcra Hakimiyyəti strukturundan da yan keçməyib.

İlk öncə Sumqayıt şəhər İcra Hakimiyyətini tərk edənlər Ərazi idarəetmə və yerli özünüidarəetmə orqanları ilə iş şöbəsinin müdiri Coşqun Cəbrayılov, İnformasiya təminatı və təhlil sektorunun müdiri, köməkçi Ayaz İmaməliyev oldu. Sumqayıtdan uzaqlaşanlar Səbail rayon İcra Hakimiyyəti Başçısı təyin olunan Eldar Əzizovun komandasında vəzifə aldılar.

Ərazi idarəetmə və yerli özünüidarəetmə orqanları ilə iş şöbəsinin müdiri vəzifəsinə Gündüz Əliyev, İnformasiya təminatı və təhlil sektorunun müdiri isə Ənvər Hüseynov təyin olundu.
Ərazi idarəetmə və yerli özünüidarəetmə orqanları ilə iş şöbəsinin baş məsləhətçisi Elşən Qəmbərov da tutduğu vəzifədən uzaqlaşdırılıb.

Yalçın Fərəcov isə Sumqayıt şəhər İcra Hakimiyyəti Başçısının köməkçsidir.

Sumqayıtı tərk edənlər arasında icra başçısının birinci müavini Rövşən Sadıxov da var. Onun yerinə isə Faiq Kərimov təyin olunub.

Sumqayıt İcra Hakimiyyətinin rəsmi internet səhifəsinə nəzər saldıqda Hüquq şöbəsinin müdiri Eldar Məmmədovun da adına rast gəlinmir.

İstehsal və xidmət sahələri sektorunun müdiri Mübariz Güləhmədov da vəzifəsi ilə vidalaşanlar arasındadır.

İctimai-siyasi və humanitar məsələlər şöbəsinin baş məsləhətçisi Seyfəddin Rəhimov də uzun müddət çalışdığı İcra Hakimiyyətini tərk etməli olub.

Sumqayıt şəhər İcra hakimiyyəti başçısının 1 nömrəli sahə inzibati ərazi dairəsi üzrə nümayəndəsi Mütəllim Astanovu isə  Elşən Qəmbərov əvəzləyib.

Xeberle.com-un məlumatına görə, Sumqayıtın icra strukturlarında, idarə və müəssisələrdə kadr islahatları bundan sonra da davam edəcək. Yaşlı nəslin nümayəndələri tutduqları vəzifələri ilə vidalaşmalı olacaq, əvəzinə isə daha gənc kadrlar iş başına gətiriləcək.
Xeberle.com